Bydd Juan Martin yn perfformio’i gyfansoddiadau ei hun, wedi’i gefnogi gan rai o’r cerddorion a dawnswyr fflamenco gorau. Mae ei steil unigryw yn anwesu harmonïau clasurol, jazz a modern tra’n cynnal traddodiad y fflamenco a chreu ffrwydrad o egni ac angerdd.

Mae’r gitarydd, a ennillodd bleidlais gan y cylchrawn Americannaidd Guitar Player fel un o’r tri gitarydd gorau’r byd, yn hannu o Andalucía. Mae wedi ffurfio cwmni rhyngwladol Flamencovision er mwyn hyrwyddo fflamenco o’r safon uchaf ac wedi recordio 14 albwm – y rhan fwyaf o’r rheini fel cyfansoddwr.

Meddai Dyfan Roberts, Swyddog Datblygu’r Celfyddydau:

“Mae’r Cabaret Pontio yn awr wedi’i sefydlu’n gryf fel cyfres ym Mangor ac yn cael ei gydnabdod fel noson sy’n rhoi llwyfan i’r gorau o gerddoriaeth y byd, traddodiadol a gwerin.

“Mae croesawu gitarydd byd-enwog yn ei genre i’r llwyfan ym Mangor yn gyffrous iawn. Gadewch i’r nodau hudolus eich hudo a’ch adlonni.”

Os hoffech glywed mwy am y gyfres Cabaret Pontio, ewch i www.pontio.co.uk

Tua diwedd y bedwaredd ganrif ar bymtheg bu i filoedd o Gymru ymfudo i anialwch yr Ariannin; mae’r ffilm yn adrodd stori dwy fenyw – un yn edrych am ei gorffennol, a’r llai am ei dyfodol. Mae’r ffilm yn rhyngdorri, tra mae’r un yn teithio o’r De i’r Gogledd yn ystod y Gwanwyn yng Nghymru, a’r llall yn teithio o’r Dwyrain i’r Gorllewin yn ystod Hydref yr Ariannin.

I ychwanegu at y naws De Americanaidd, bydd Dylan Rowlands, rheolwr bwyty lleol yn darparu tapas a gwinoedd De Americanaidd a bydd hefyd cerddoriaeth fyw gan y band gwerin leol Cloud Cuckoo. Pris mynediad yw £5 a £5 ychwanegol am y tapas a’r gwin.

Bydd Patagonia yn cael ei ddangos yn Nhŷ Siamas, Dolgellau ar Ddydd Iau 1af o Fawrth am 7yh.

Patagonia: Cymru 2010 tyst15/118munud

Yn gyntaf ar y llwyfan bydd wyneb cyfarwydd o’r gymuned leol – sef Cath Aran o Fethesda, sydd wedi ennill sawl gwobr am ei dawn ddweud straeon. Yn ogystal â pherfformio mewn gwyliau chwedleua ar hyd a lled y byd, yn cynnwys Galway, Dulyn, Calgary a Much Wenlock, ymddangosodd Cath yn Agor Drysau, Gŵyl Ryngwladol Plant, yn Aberystwyth, ac yng Ngŵyl Hendre Ddifyr gyntaf Pontio yn 2010.

Mae Cath yn gwahodd plant i eistedd gyda hi ar y carped hud wrth iddo hedfan o le i le yn ei byd dychmygol, gan ymweld â chestyll a chewri, gwrachod a thylwyth teg. Yn ei ffordd unigryw ei hun, gan ddefnyddio gwahanol wynebau a lleisiau i gyfoethogi’r stori, caiff plant eu tywys ar daith ryfeddol drwy ei straeon trawiadol o fyd hud a lledrith.

Mae ail ran y prynhawn i oedolion a phlant dros 12 oed. Am 3.15pm bydd y storïwr rhyngwladol Michael Harvey yn dod i’r llwyfan. Stori fywiog yw Ceisio Merch y Cawr / Hunting the Giant’s Daughter ac fe’i cyfoethogir gan ganeuon a cherddoriaeth gyda dylanwad jas Cymreig arnynt. Mae’r stori wedi’i seilio ar chwedl Culhwch ac Olwen, y chwedl Arthuraidd hynaf yn y Gymraeg a geir yn Y Mabinogion.

Mae’n chwip o stori antur dda, yn gyrch hudolus ar hyd a lled Cymru, drwy hen goedwigoedd tywyll, mynyddoedd tymhestlog a nosweithiau braf a serog. Mae dyn ifanc yn syrthio dros ei ben a’i glustiau mewn cariad – ond y cyfan mae’n ei wybod yw enw’r ferch. Ond yn ffodus iddo, ei gefnder yw’r Brenin Arthur, sydd â llu o farchogion dawnus a dewr yn ei lys, pob un ohonynt yn awchu am antur. Wrth i’r dyn ifanc wynebu’r hyn sy’n ymddangos yn rhestr amhosibl o dasgau i’w cyflawni, mae Arthur ei hun yn camu i mewn, gan beryglu ei deyrnas ac efallai hyd yn oed ei fywyd yn y fargen! Mae Michael yn gwau barddoniaeth Gymreig i’w gyflwyniad crefftus a chyffrous o’r hen stori, a cheir hefyd gymysgedd hyfryd o gerddoriaeth Gymreig draddodiadol a cherddoriaeth â blas jas arni, wedi ei chreu gan Stacey Blythe (acordion, telyn) a’r gantores Lynne Denman.

Mae Michael Harvey hefyd yn storïwr cyfoes sydd wedi ennill sawl gwobr am ei waith. Mae wedi ymddangos mewn gwyliau rhyngwladol pwysig ym Mhrydain, Ewrop aGogledd America, gan ddweud straeon traddodiadol o’r gwledydd Celtaidd a thu hwnt gyda hiwmor, dawn a llawer o bleser.

Meddai Dyfan Roberts, Swyddog Datblygu’r Celfyddydau yn Pontio, “Ers ein plentyndod rydym i gyd wedi mwynhau stori dda a dyma ffordd wych o ddathlu crefft y cyfarwydd.

Dewch i gael eich cipio i ffwrdd i fyd y dychymyg gan y storïwyr dawnus a nodedig yma a phrofi rhywbeth gwirioneddol wefreiddiol.

Does neb yn rhy hen i fwynhau stori dda a chyda’r pris yn ddim ond £2 y sioe, sut all unrhyw un gadw draw?”

Fe fydd y wefan a’r adnoddau e-ddysgu newydd ar gael i grwpiau celf gwirfoddol a grwpiau eraill ar draws y DU a Gweriniaeth Iwerddon.

Mae Celfyddydau Gwirfoddol Cymru (VAW) wedi derbyn cyllid gan Gyngor Celfyddydau Cymru tuag at ddatblygu Rhedeg Eich Grŵp yng Nghymru. Er mwyn i’r gwasanaeth fod o ddefnydd i grwpiau yng Nghymru, fe fydd Celfyddydau Gwirfoddol Cymru yn defnyddio’r arian i hyrwyddo’r gwasanaeth newydd, ac i sicrhau adnoddau e-ddysgu dwyieithog.

Rydym eisiau gwybod beth yw barn pobl sy’n cymryd rhan yn y celfyddydau gwirfoddol yng Nghymru am y gwasanaethau gwybodaeth ar-lein newydd sy’n cael eu cynnig gan Celfyddydau Gwirfoddol, yn arbennig o ran eu haddasrwydd i Gymru. I wneud hyn, rydym yn sefydlu grŵp ffocws a hoffem eich gwahodd chi i gyfarfod ddydd Mawrth, 13 Mawrth 2012 yn y Ganolfan Adnoddau Cyfathrebu (Media Resource Centre), Llandrindod, Powys, rhwng 11.00 yb ac 1.00 yp. Os oes gennych ddiddordeb mewn cymryd rhan, gadewch i ni wybod os gwelwch yn dda drwy anfon e-bost at gwenan@vaw.org.uk erbyn dydd Mercher 22 Chwefror 2012.

Mae NEW Dance yn elusen gofrestredig ac yn Gwmni Cyfyngedig drwy Warant a hi sy’n bennaf gyfrifol am ddarparu gweithgareddau dawns cymunedol yng ngogledd ddwyrain Cymru.

Mae NEW Dance yn edrych am berson sydd â chariad at y celfyddydau ac sydd hefyd yn meddu ar sgiliau busnes ac arwain rhagorol. Eich swyddogaeth fydd arwain y tîm presennol a datblygu’r strategaethau dawns yng ngogledd ddwyrain Cymru.

Mae gan y Cynhyrchydd Celfyddydol ran allweddol i’w chwarae yn llwyddiant y cwmni a llawer o gyfrifoldebau. Bydd gofyn i chi weithio i sicrhau nawdd ariannol i’r cwmni ynghyd a dyfodol creadigol, cynaladwy iddo.

Os ydych chi o’r farn fod gennych chi’r ddawn a’r bersonoliaeth i lunio dyfodol gwirioneddol ddisglair i ni, ebostiwch: info@newdance.org.uk i ofyn am becyn cais.

Dyddiad Cau – Dydd Iau y 1af o Fawrth 2012

Cyfweliadau – Dydd Iau yr 8fed o Fawrth 2012

Dylech allu dechrau mor fuan â phosib wedi’r dyddiad hwn.

Gallwch ddatblygu eich sgiliau perfformio mewn 6 diwrnod gyda Opera Ieuenctid Cymru.

Os ydych chi’n 16 – 23 oed ac yn hoffi perfformio, yna dylech ddod i gael profiad o Opera Ieuenctid Cenedlaethol Cymru. Mae hwn yn gyfle i gwrdd â gweithwyr theatr broffesiynol, a fydd yn rhoi hyfforddiant ichi mewn theatr gerdd hanfodol a sgiliau opera -o ymarferion llais actio trwy ganeuon a

pherfformio mewn grŵp. Yn ystod y chwe diwrnod byddwch hefyd yn ymgolli yn un o’r sioeau cerdd gorau erioed, Sweeney Todd a ysgrifennwyd gan yr enwog Stephen Sondheim. Os hoffech wneud y mwyaf o’ch hoffter o berfformio, ymunwch ag Opera Ieuenctid Cenedlaethol Cymru am y profiad 6-diwrnod hwn.

“Mae OICC nid yn unig yn eich galluogi i symud ymlaen fel canwr/ perfformiwr, ond mae hefyd yn gyfle ichi wneud ffrindiau newydd! Profiad gwirioneddol gwych.” Catrin Jones, Aelod o OICC

Theatr Stiwt, Wrecsam
10 – 15 Ebrill, 10am – 6pm
£20 y pen, 40 o leoedd ar gael, rhai bwrsariaethau hefyd ar gael.

Cysylltwch â Paula Scot :paula.scott@wno.org.uk neu ffoniwch 029 2063 5111
Y dyddiad olaf i gofrestru yw 12 Mawrth 2012.

Trwy gymryd pum munud bach i fynegi eich barn yn yr arolwg byr hwn gallwch for o gymorth I Pontio i ffurfio rhaglen o adloniant fydd at ddant pawb.

Gwobr raffl £50!  

Ac fel anrheg fach i ddiolch am eich trafferth bydd Pontio yn rhoi eich enw mewn i gystadleuaeth. Gallwch ennill gwerth hanner can punt o dalebau Stryd Fawr neu Adra Home

Felly cymerwch ran. Pam lai? Pontio, rhywbeth i chi, rhywbeth i bawb… 

Cliciwch yma i fod yn rhan o’r arolwg barn.

Diolch. 

Am fanylion a ffurflen gais, cliclwch yma neu cysylltwch gydag Amgueddfa ac Oriel Gwynedd, Bangor.

Ffon: 01248 353368

 Dylid cyflwyno’r gwaith ar Chwefror 16 a 17 2012.

Os yr ydych eisiau bod yn rhan o’r Helfa Gelf a dim lleoliad addas? Wel eleni bydd bwrsari ar gael er mwyn eich cynorthwyo i logi gofod stiwdio am dros gyfnod yr Helfa Gelf.

Os yr hoffech fwy o wybodaeth cliciwch yma am fwy o wybodaeth.

Bydd y ganolfan, Tŷ Glyndŵr, yn cynnig safle arddangos, stiwdios artistiaid, safle gweithdai a chanolfan cyfeirio’r celfyddydau.

Mae’r grŵp yn dal yn chwilio am arian ar gyfer gorffen yr ailwampio’r adeilad, talu am offer a deunyddiau, ond y newyddion da yw bod y grŵp yn gallu hysbysebu am ddwy swydd i weithwyr ar ei liwt ei hun (freelance) i gynorthwyo i gael ei lle wedi ei sefydlu.

Mae un swydd yn un i redeg y ganolfan a’r oriel o ddydd i ddydd – am fwy o wybodaeth cliciwch yma. Mae’r ail swydd yn gynorthwyydd i gynnal digwyddiadau cymunedol a chyhoeddus – cliciwch yma am fwy o wybodaeth.

Dyma gyfle arbennig i fod yn rhan o ddechrau rhywbeth cyffrous.