Yn dilyn cau Oriel Dafydd Hardy y llynedd, mae rhai o aelodau craidd yr Oriel, sy’n cynnwys artistiaid, arddangoswyr a chynorthwywyr, wedi creu grŵp cydweithredol o’r enw ‘Bocs’. Eleni gyda chymorth staff  Dafydd Hardy a chefnogwyr eraill, mae’r Bocs wedi bod yn brysur yn gweithio tuag at agor canolfan gelfyddydol newydd yng Nghaernarfon.

Bydd y ganolfan, Tŷ Glyndŵr, yn cynnig safle arddangos, stiwdios artistiaid, safle gweithdai a chanolfan cyfeirio’r celfyddydau.

Mae’r grŵp yn dal yn chwilio am arian ar gyfer gorffen yr ailwampio’r adeilad, talu am offer a deunyddiau, ond y newyddion da yw bod y grŵp yn gallu hysbysebu am ddwy swydd i weithwyr ar ei liwt ei hun (freelance) i gynorthwyo i gael ei lle wedi ei sefydlu.

Mae un swydd yn un i redeg y ganolfan a’r oriel o ddydd i ddydd – am fwy o wybodaeth cliciwch yma. Mae’r ail swydd yn gynorthwyydd i gynnal digwyddiadau cymunedol a chyhoeddus – cliciwch yma am fwy o wybodaeth.

Dyma gyfle arbennig i fod yn rhan o ddechrau rhywbeth cyffrous.